Barcelona duket se ka gjetur një zgjidhje për të zbutur disi efektin e krizës ekonomike, duke shfrytëzuar sasinë e madhe të objekteve dhe kujtimeve të lëna pas nga punimet në stadiumin Camp Nou.
Në një ankand që do të nisë më 23 janar dhe do të mbyllet më 13 shkurt, klubi blaugrana do të shesë shumë objekte me vlerë, duke mos kursyer as kujtimet e lëna pas nga ylli argjentinas Lionel Messi.
Dollai i Messit me numrin 10 në fakt është objekti më i çmuar që do të dalë në ankand nga Barcelona.
Kushdo që dëshiron të blejë dollapin e Messit do të duhet të ofrojë të paktën 350 mijë dollarë, ndërsa të tjerët variojnë nga një bazë prej 100 mijë dollarësh (përfshirë këtu sende që i përkasin Maradonës, Guardiolës, Piqué dhe Ronaldinhos).
Do të ketë gjithashtu në ankand fotografi të skuadrave që fituan pesë Ligat e Kampionëve (1991-92, 2005-06, 2008-09, 2010-11, 2014-15), të ekspozuara në dhomat e zhveshjes dhe në tunelin e stadiumit.
Totali i të gjitha “relikeve”, nisur nga çmimi fillestar i tyre që është përcaktuar nga klubi, kap vlerën e rreth 1 milionë eurove.
Ankandi do të zhvillohet nga ora 10:00 e mëngjesit të 23 janarit deri në orën 4:00 të mëngjesit të 13 shkurtit, kohë gjatë së cilës një numër i madh artikujsh që u hoqën nga Camp Nou gjatë punës për rinovimin e tij do të jenë në dispozicion të ofertuesit më të lartë.
