Tashmë nuk e fsheh më askush: Neymar kërkon të largohet nga PSG, Barcelona e do me çdo kusht dhe dy klubet po bisedojnë. Deri këtu gjithçka normale, pasi kështu funksionon futbolli, por ekziston një problem: PSG kërkon 300 milionë euro!
Një shifër absurde, jashtë çdo logjike sportive e financiare, pasi Milani pak kohë më parë kushtoi 700 milionë euro, por ky është futbolli modern.
Barcelona e shiti për 222 milionë euro brazilianin dy vite më parë dhe e ka të qartë se duhet të bëjë një çmenduri financiare për riblerë, por nuk bëhet fjalë të japë 300 milionë euro dhe rruga e vetme është përfshirja e lojtarëve të tjerë në marrëveshje.
AS raporton se Barcelona tashmë ka vënë në tryezë një ofertë të çmendur: Coutinho, Dembélé dhe 40 milionë euro! Përgjigja e Al-Khelaifit ka qenë e qartë: Jo, faleminderit, flasim kur të keni 300 milionë euro!
Nuk duhet harruar që Neymar merr 36 milionë euro neto në Francë, ndaj Barcelona rrezikon kolapsin financiar nëse tenton ta kompletojë këtë operacion, aq më shumë që edhe për blerjen e Griezmann mori borxh mbi 30 milionë euro.
