Barcelona ka nisur vitin 2017 me humbje befasuese në Kupën e Mbretit. Katalonasit pësuan 2 me 1 si mysafirë të Athletic Bilbao në ndeshjen e parë të 1/8-ës së finales.
Aritz Aduriz dhe Inaki Williams shënuan golat për Bilbaon në 28 minutat e parë të ndeshjes. Rezultati u ngushtua nga një gol i bukur i Leo Messit në minutën e 52-të, përgatiti Express.
Në minutën e 74-të dhe të 80-të, Raul Garcia dhe Ander Iturraspe të vendasve u ndëshkuan me karton të kuq duke lënë Bilbaon me dy futbollistë më pak në fushë për më shumë se dhjetë minuta, por që Barcelona nuk arriti të shfrytëzonte këtë epërsi numerike.
Takimi i kthimit në këtë fazë zhvillohet më 11 janar në Camp Nou. (b.an)
