Të papërmbajtshëm lojtarët e Valeverdes. Barça është kualifikuar në finale të Kupës së Mbretit duke e mposhtur Valencian në gjysmëfinale me rezultat të përgjithshëm 0-3.
Në udhëtim te Valencia skuadra katalunase fitoi me rezultat prej 0-2, raporton Koha.net.
Golin e parë në këtë takim, dhe në fanellën e Barcelonës, e shënoi mesfushori brazilain Philippe Coutinho kur po zhvillohej minuta e 49 pas asistimit nga Luis Suarez.
Suarez asistoi edhe në golin e dytë për Ivan Rakitiqin në minutën e 82. Në finale të Kupës së Mbretit do të përballet me Sevillën. (b.an)
