Banorë të qytetit të Fierit kundërshtojnë punimet për rehabilitimin e rrugës ”Xoxi Andoni” në këtë qytet. Sot ata janë përplasur me punonjësit e bashkisë, pasi sipas pretendimeve të tyre, po u dëmtohet prona private.
Teksa penguan fadromat për të vijuar punimet banorët deklarojnë se ata janë pronarë të objekteve në atë zonë, të ndërtuara që në vitin 1920.
Nga ana tjetër, drejtoresha përgjithshme e legjislacionit pranë bashkisë Fier, Esmeralda Kapllanaj shprehet se fadromat ndërhynë për të prishur rrethimin e banesës së një qytetari,e cila është pa dokumente.
”Konkretisht dhe saktësisht famija Xhafaj, familje fierake në lidhje me pasurinë që pretendojnë nuk disponojnë dokumente ligjorë të pronësisë për t’u vleresuar në përputhje me procedurat ligjore”, është shprehur Kapllanaj./ report tv/a.k
