Në dy vitet e fundit, sistemi bankar po shfaq një interes në rritje për të zhvilluar segmentin mikro, që përfshin kreditimin e individëve dhe të sipërmarrjeve të vogla. Burime nga bankat tregtare thonë se në gjashtë muajt e parë të vitit, bankat tregtare në vend kanë rritur portofolin e mikrokredisë, ndërsa përqindja e kredive me probleme është në rënie.
Bankat po vijojne të zhvillojnë projekte për të rritur dhe specializuar sipërmarrjet në sektorin e bujqësisë dhe agrobiznesit. Vitin e kaluar, madhësia e portofolit në këtë segment pothuajse u dyfishua, ndërsa niveli i kredive me problem është më i ulët se 2%.
Megjithë vështirësitë specifike, bankat vijojnë të shfaqin interes të lartë për sektorin e bujqësisë. Sipas bankierëve, skemat e mbështetjes së kreditimit të sektorit, nëpërmjet ndarjes së rrezikut, si ajo e ndërmarrë së fundmi nga qeveria shqiptare dhe BERZH, mund të jenë mjaft të efektshme. /atsh/r.a
