Banka e Shqipërisë evidenton se, vlera e veprimeve cash nga sistemi bankar në fund të vitit 2015 rezultoi 4 për qind më e ulët se në vitin 2014, ku pagesat ishin gjithashtu 36 për qind më të ulta se me 2013.
Ekspertet shprehen se, zhvillimet teknologjike i kanë ulur ndjeshëm transaksionet cash të bankave me klientët nga sportelet bankare.
Duke analizuar ecurinë nga viti 2009 shihet se pagesat cash nga veprimet në sportelet e bankave kanë ardhur në rritje deri në vitin 2012, ku edhe vlera e pagesave cash arriti në 4.3 trilione lekë. Pas këtij viti pagesat cash kanë ardhur në ulje sistematike.
