Banka e Shqipërisë, Prokuroria nis hetimet për vjedhjen e 21 milionë eurove

Raporti i Kontrollit të Lartë të Shtetit pas auditimit të periudhës 2010-2014 në Bankën e Shqipërisë rihap hetimet për skandalin e vjedhjes dhe dëmin ekonomik të shkaktuar në buxhetin e shtetit.

Sipas burimeve për Report TV këtë të premte Prokuroria e Tiranës ka regjistruar procedimin penal për akuzën e shpërdorimit të detyrës për ish-zyrtarët dhe zyrtarët aktual të bankës së shqipërisë.

Në këtë procedim nuk ka emra personash por të njëjtat burime sqaruan se do të verifikohen përgjegjësit e cdo punonjësi apo ish punjoësi të bankës e më pas do të vendoset për hetimet dhe marrjen e tyre në pyetje.

Më 3 Gusht 2016 e përditshmja shqiptarja.com publikoi ekskluzivisht raportin sekret të kontrollit të lartë të shtetit ku sipas këtij raporti dëmi ekonomik përllogaritej në 21 milion euro.

Fillimisht Banka e Shqipërisë e mohoi këtë raport duke thënë se skish dijeni por vetëm një javë më pas e pranoi raportin duke u shprehur publikisht se janë vënë në dijeni dhe po e shqyrtojnë.

Prej 2014 vjedhja e bankës së shqipërisë konsiderohet një skandal i cili u hetua dhe ka persona të dënuar po asnjëherë shifra dhe pse zyrtairsht banka dhe prokuroria deklarauan 713 milion lekë su faktua dhe paratë su kthyen pasi Ardian Bitraj ish përgjegjësi i arkës stok i dënuar me 20 vite tha se lekët i prishi në lloto sportive.

Dhe pse zyrtarisht nuk është vendosur nëse do të rihapen hetimet për vjedhjen e 713 milion lekëve burime nga akuza sqaruan për ReportTv se skema e vjedhjes dhe dëmit ekonomik në buxhet është e njëhtë e për pasojë spërjashtohet mundësia e një rihetimit.

Por si është shkaktuar ky dëm ekonomik sipas KLSH?

Gjithçka është kryer në bashkëpunim me bankat e nivelit të dytë të cilat tërhiqnin nga tregu qytetarëve kartmonedhat e dëmtuara me një vlerë ku zbatohej moision nga 20-30 të vlerës reale.

Më pas këto para bankat i dërgonin në bankën e shqipërisë ku ligjërisht duhet ti këmbenim me 80 % të vlerës por nga auditi është zbuluar se për plot 4 vite këto para janë konvertuar me 100 % të vlerës duke i shkaktuar shtetit një dëm ekonomik në miliona euro.

shqiptarja.com/d.i.