Policia e Elbasanit ka ndaluar dhe një tjetër person në kuadër të operacionit të koduar “Porosia”, ndërsa vijon të jetë në kërkim 20-vjeçari E.H.
Sipas burimeve zyrtare është bërë ndalimi me iniciativë i 30-vjeçarit Erges Lipo, nga Pogradeci.
Ndalimi i tij, u bë në Pogradec pasi Lipo dyshohet të ketë konsumuar veprën penale “Prodhimi dhe mbajtja pa leje e armëve luftarake, e municionit dhe lëndëve eksplozive”, e kryer në bashkëpunim”.
Ndërkohë për të njëjtën akuzë është ende në kërkim 20-vjeçari E. H. Një ditë më parë zv. drejtori i policisë së Elbasanit Edmond Sulaj që bëri të ditur detajet e operacionit, ku u sekuestruan armë dhe 82 kallëpe tritoli.
Arrestimi i tij vjen një ditë pasi policia shkatërroi një grup kriminal ku u arrestuan pesë persona, ndërsa u sekuestruan 82 kallëpe tritoli. Operacioni erdhi pas tre muaj hetime ndaj personave të akuzuar si anëtarë të bandës kriminale.
Të arrestuarit e një dite më parë:
Geraldo Yzeirllari
Kristi Maxhari
Edmond Abazi
Gazmor Kokla
U arrestua sot:
Erges Lipo
a.ç
