Një bandë me 10 shqiptarë dhe italianë është shkatërruar nga karabinierët italianë në krahinat e Caserta dhe Napoli.
Banda italo – shqiptare ishte shndërruar në një organizatë të vërtetë për shfrytëzimin e prostitucionit me femra italiane, rumune dhe braziliane. Një tjetër akuzë që rëndon mbi ta është edhe ajo e grabitjes.
Kjo organizatë kujdesej në çdo fazë të prostitucionit duke filluar që nga identifikimi i vajzave që do të punonin si prostituta e më pas sigurimi i vendit ku do të punonin dhe vlerat pagimin e lekëve që duhet tu merrnin klientëve.
Mediat italiane shkruajne se policia kishte zbardhur se në 4 raste femrat rumune dhe italiane ishin rrëmbyer për të ushtruar pa dëshirë prostitucionin ose iu ishte kërkuar atyre një tarifë prej 500 euro në muaj nëse ato do të punonin të lira.
Grupi funksiononte më detyra të ndara, ku dy nga italianët u siguronin vajzave vendin e punës, dy të tjerë gjenin kontaktet me klientët ndërsa pjesa tjetër merrej me lekët si dhe ndarjen e fitimeve.
10 të dyshuarit tashmë do të përballen me një sërë akuzash të rënda, referon Express. (b.an)
