Kina po synon që bambuja të zëvendësojë plastikën, shkruan “China Daily”.
Efektet e bambusë kanë qenë prej kohësh të njohura në Kinë. Bima gjigante e drunjtë është përdorur që nga shekulli i 11 p.e.s.. Ajo ka marrë formën e çdo artikulli të dobishëm nga ushqimi, transporti dhe armët deri tek banesat, letra dhe instrumentet.
Sipas Administratës Kombëtare të Pyjeve dhe Kullotave, Kina ka 7.01 milionë hektarë pyje bambuje dhe është prodhuesi dhe eksportuesi më i madh në botë i produkteve të bambusë.
Vlerësohet se bota prodhon rreth 400 milionë tonë mbetje plastike çdo vit dhe bambuja është shfaqur si një zëvendësim i qëndrueshëm dhe miqësor ndaj mjedisit, për shkak të nivelit më të lartë të biodegradueshmërisë.
Në krye të lëvizjes për zëvendësimin e plastikës me bambu janë zonat kryesore të prodhimit të bambusë në Kinë si provincat Zhejiang, Fujian, Sichuan, Guangdong dhe Anhui.
Me 666 kilometra katrorë pyje bambuje, një sipërfaqe rreth 80 për qind e madhësisë së qytetit të Nju Jorkut dhe një histori të gjatë të përdorimit të bambusë, Anji po shërben si një model në avancimin e bambusë si një alternativë ndaj plastikës.
Në vitin 2023, Kina nisi një plan trevjeçar për të përshpejtuar zhvillimin industrial të bambusë si një zëvendësues i plastikës, me Anji të caktuar si një nga bazat e para të demonstrimit.
