Ish-mesfushori i Interit, Kerlon, ka rrëfyer se si ish-bashkëlojtari i tij Mario Balotelli urinonte në këpucët e futbollit të bashkëlojtarëve, përcjell Koha Ditore. Kerlon ka zbuluar se kurrë nuk ka parë dikë më të jashtëzakonshëm se Balotelli dhe se është befasuar se si ai kurrë nuk ndiente keqardhje që bënte shaka të tilla. Kerlon e Balotelli ishin bashkëlojtarë tek Interi për dy vite, nga viti 2008 deri në vitin 2010. “Balotelli është person shumë i këndshëm dhe i jashtëzakonshëm, por ai bënte disa gjëra të pabesueshme jashtë fushës. Ai kishte shprehi të vinte në stërvitje para të tjerëve dhe të urinonte në këpucët e futbollit të të gjithë lojtarëve. Ishte shaka e tij. Unë kurrë nuk kam parë një djalë 18-vjeçar të bënte atë dhe të mos ndjente keqardhje. Ai u bënte këtë edhe lojtarëve më me përvojë si Julio Cesar e Maicon”, ka treguar Kerlon për “ESPN Brazil”. Nuk është hera e parë që gjestet e Balotellit janë vënë në qendër të vëmendjes.
Në vitin 2011 sa ishte pjesë e Manchester Cityt, ia kishte futur zjarrin shtëpisë së tij me vlerë tre milionë funte në Cheshire duke ndezur fishekzjarrë në tualet. Ai shkaktoi një dëm me vlerë 400 mijë funte…
