E ardhmja e Balotelit mund të jetë sërish në Serinë A. Pas një sezoni të kënaqshëm te Nice në Francë, sulmuesi mund të rikthehet sërish në Itali për të vijuar karrierën e tij. Emri i tij po qarkullon gjithnjë e më tepër për t’u transferuar te Lacio, e cila pritet të humbasë një nga sulmuesit e saj kryesorë në këtë merkato.
Keita Balde sipas të gjitha gjasave do të largohet pasi për të kanë filluar ofertat nga Milani dhe Juventusi, ndaj dhe drejtuesit lacialë janë duke marrë masa që ta zëvendësojnë.
Emri më i lakuar mbetet ai i Balotelit, por që gjithsesi nuk ofron asnjë garanci për shkak të karakterit të tij.
Pas një sezoni tepër të kënaqshëm në Francë, duket se sulmuesi është gati për t’u rikthyer sërish në Itali aty ku e njeh mjaft mirë ambientin.
Kjo mund të jetë një thikë me dy presa për Lacio, por që gjithsesi këto lajme mbeten në kuadër të zhurmës mediatike të merkatos, përgatiti Lacio. (b.an)
