Zëvendëskryeministja dhe njëherësh Ministrja për Energjitikën dhe Infrastrukturën, Belinda Balluku ka realizuar një takim në spitalin e Burrelit me bluzat e bardha.
Në nisje të fjalës së saj, Bulluku është shprehur se parashikohet të izolohet i gjithë sistemi i spitalit të Burrelit, duke nisur nga çatia që do të ketë të gjithë parametrat e hidroizolimit.
Balluku ka thënë se çatia e këtij spitali do të mbulohet me panele diellore dhe në këtë mënyrë, ky spital do të jetë autoprodhues i energjisë elektrike.
Belinda Balluku: Parashikojmë të gjithë sistemin e izolimit të spitalit të Burrelit, duke e nisur nga çatia dhe duke bërë një çati të re që do të ketë të gjithë parametrat e hidroizolimit. Por nga ana tjetër, kjo çati do të mbulohet me panele diellore (fotovoltaike) të cilat do të prodhojnë energji. Spitali juaj do të jetë autoprodhues i energjisë elektrike. Parashikohet dhe hidroizolimi i të gjithë ndërtesës. Do të jetë një ndryshim rrënjësor. Ne e kemi nisur nga qendra, nga Tirana, nga qendrat e qarqeve. Tani ka ardhur koha që këto investime të shtrihen edhe në qytetet e tjera, siç është qyteti i Burrelit.
/a.r
