Plot tre ndryshime të rëndësishme kanë ardhur në 24 orë nga Ministria e Infrastrukturës dhe Energjetikës.
Duket se ministrja e re, Belinda Balluku ka vendosur të ndryshojë të gjithë drejtuesit e institucioneve që ka në varësi.
Një ditë më parë ka qenë kreu i Operatorit të Sistemit të Transmetimit që është laguar nga kjo detyrë. Kështu, Klodian Gracedi u zëvendësua me Skerdi Drenovën.
Ndërkohë që sot, Afrim Qendro është larguar si drejtor i Autoritetit Rrugor Shqiptar dhe është zëvendësuar me Sonila Qaton.
Por mesditën e së martës një tjetër lajm konfirmohet nga MIE, shkruan JavaNews. Drejtori i Portit Durrës, Afrim Bakaj është shkarkuar me vendim të ministres Balluku.
Emri që do ta zëvendësojë Bakajn në këtë detyrë është Genti Tare. Mesa duket ministrja e re ka nisur një fushatë largimesh ndaj drejtuesve që paraardhësi i saj kishte emëruar në poste kyçe.
/javanews/a.rada
