Ministrja Belind Balluku ditën e sotme në Kuvend është shprehur se Hidrocentrali i Skavicës është në vitin e dytë të projektit dhe pas 9 muajsh, ajo do fillojë punën në terren.
“Shqipëria ka nisur Skavicën të dashur deputetë, hidrocentralin e Skavicës që dikur ai që thotë harroje, është pikërisht personi që nga kjo foltore ka bërë fjalime pafund se si Skaivca ishte ëndrra e shqiptarëve, po tani nuk është më ëndrra e shqiptarëve sepse nuk është ai që do ta realizojë.
Skavica është vepra më e rëndësishme hidrike në republikën e Shqipërisë pasi krijon rezervën natyrore që i duhet këtij vendi. Skavica është në vitin e dytë të projektit, tashmë është përfunduar projekti gjeologjik, studimi i i fizibilitetit, ka mbaruar studimi i përgjegjësisë sociale dhe studimi mjedisor. Skaviza është në fazën e negocimit për financimin dhe 9 muaj nga sot Skavica do të fillojë punimet në terren. Ne kemi bërë atë që ju harxhuar paratë,e latë kredinë që sot e kësaj dite sot paguhet dhe nuk arriti të ndezej kurrë, që është termocentrali i Vlorës.
Ju në CV tuaj keni vetëm tmerre. Hidrocentrale të privatizuara për tvsh-në, hidrocentrale të ndërtuara që nuk u ndezën kurrë sepse kishit bërë një gabim ashtu në përllogaritje të cilat ne jo vetëm po i ndreqim, por nga një termocentral të cilin duhet ta ndezim dhe jo me 100 megavat siç e kishit parashikuar ju, por me 350 megavat në orë, ne e kemi kthyer në projektin më të madh të Ballkanit, projektin e integruar të gazit të lëngshëm amerikan”, është shprehur Balluku.
/a.r
