Shefi i Organizimit në Partinë Demokratike Klevis Balliu, në fjalën e tij në protestën e mbajtur për Lear Kurtin, të riun që humbi jetën dy ditë më parë ndërsa ishte nën kujdesin e policisë i shoqëruar në komisariat, u shpreh se situata në të cilën ndodhet tashëm policia në vend është produkt i politikave të kryeministrit, të cilin e quajti edhe misin i Edi Ramës.
Balliu u shpreh se nëse personat përgjegjës nuk mbajnë përgjegjësi, rastet janë të destinuara të përsëriten, ndërsa tha se në një shtet normal tashëm kryeministri e ministri i brendshëm duhet të kishin dhënë dorëheqjen.
“Njerëz të droguar të lidhur ngushtë me bandat prodhon një polici që vret qytetarët në vend t’i mbrojnë. Policia shihet si segment kërcënues. Nuk mund të lejohet që një bandë të vrasë e dhunojë qytetarët. Të bëjmë çdo gjë ti largojmë një orë e më parë e mbajtje përgjegjësie.
Skizofren kriminal. Inkriminimi i policisë ka sjellë këto vrasje. Inkriminimi i policisë mision arkitekti i të cilit është Rama. Në çdo shtet normal sot kryeministri e ministri jepte dorëheqjes ndërsa këto tentuan të vënë fajin viktimës. A ishte Rama ai që tentoi t’ja hidhte fajin Rashës?
Mbërriti në spital i vdekur e të mundohesh të vrasësh për së dyti është kriminale. Çfarë transparence e përgjegjësie është mbajtur në rastet e tjera? Po nuk u mbajt përgjegjësi rastet përsëriten”, tha ai.
/s.f
