Kreu i grupit parlamentar të PS-së, Taulant Balla, ka folur për njohjen me biznesmenin Edmond Bego dhe akuzat e PD
I pyetur ne OPINION, nëse e njeh shtetasin Edmond Bego? Balla tha se e njoh dhe për më tepër nuk bën pjesë tek ata njerëz që edhe kur e njohin dikë, ata shprehen se nuk e njohim.
Balla tregoi edhe kohën kur e njohu. Ai tregoi se e ka njohur në vitin 2015 dhe është prezantuar si një biznesmen që ndërtoi një Xhami në zonën e tij elektorale.
Kreu i grupit parlamentar tha se duke e njohur si një biznesmen, besimtar mysliman, ka frekuentuar disa herë edhe lokalin e tij për të pirë kafe.
“E njoh. Sot për herë të parë në emisionin tënd do të them rrethanat në të cilat e njoha. Zotëria në fjalë më është prezantuar nga disa prej zyrtarëve më të lartë të Komunitetit Mysliman dhe zotëria në fjalë si sipërmarrës në vitin 2015 kur e kam njohur për herë të parë, fundi i 2014 dhe fillimi i 2015, në mos gaboj, ka kontribuar në një prej xhamive të zonës sime elektorale për të cilën i jam shumë mirënjohës. E kam falënderuar dhe prej atij momenti e kam njohur, sepse edhe unë edhe ti kemi pirë kafe në lokalin e atij personi, tek lokali përballë Venecias dhe sigurisht që e njoh.”
Më tej, Balla tha se nuk ishte në dijeni se ai ishte i dënuar për trafik ndërkombëtar droge në Itali.
a.ç
