Taulant Balla ka replikuar me demokraten Jozefina Topalli pas akuzave të saj për futje të kriminelëve në listat e deputetëve. Ish-kryetarja përmendi ndër të tjera emrin e Mark Frrokut, çka solli edhe përgjigjen e Ballës.
“Nuk besoj që parafolësja (Topalli) apo parafolësit u ndienë të prekur nga ajo që tha Klodiana Spahiu se të gjitha janë pak Shukri e Shukrie brenda vetes dhe sigurisht që ai është një fenomen që duhet dënuar”, tha Balla.
“Çdo lloj forme kërcënimi ndaj çdo deputeti duhet dënuar, por e sigurt që Jozefina nuk do kishte folur po të kërcënohej Lulzim Basha, kjo është e sigurt fare. Ndërkohë, Mark Frrokun e ke të regjistruar në KQZ si sponsor të fushatës së PD-së në 2009 dhe vetë Mark Frroku ta ka thënë në parlament që të ka paguar pará”, tha Balla.
D.I.
