Një ditë pasi Departamenti Amerikanë i Shtetit ka bërë publike një vendim të sekretarit të Shtetit Rex Tillerson, se ish-kreut të akuzës, Adriatik Llalla dhe familjes së tij i është ndaluar hyrja në SHBA për shkak se ka qenë pjesë e korrupsioneve të mëdha, ka reaguar edhe kryetari i Grupit parlamentarë i PS-së Taulant Balla.
Në një intervistë për TemA TV, Balla u shpreh se tashmë PD dhe LSI duhet të kërkojnë falje për atë që shkaktuan në 18 dhjetor të 2017-ës, kur u betua kryeprokurorja e përgjithshme e përkohshme Arta Marku
Sipas Ballës, çdo tentativë për të penguar reformën në drejtësi bëhet për të mbrojtur ish- kryeministrin Berisha dhe zyrtarët e LSI-së
Balla ka komentuar edhe deklaratën e përbashkët të dy partive të mëdha për të kërkuar një datë për çeljen e negociatave.
Sipas tij, kjo ishte për të mirën e vendit, ndërsa për pranimin e çështjes së drogës, Balla tha se kjo është një sfidë edhe për vendet e BE-së.
Një ditë më parë në një intervistë për TemA TV deputeti i PD-së Genc Pollo u shpreh se në rezolutën e përbashkët mazhoranca pranoi shqetësimet e ngritura nga opozita. Ndërsa Balla shpreh të kundërtën.
