Më 16 nëntor PS do të votojë për delegatët që do të jenë pjesë e Kongresit të kësaj force politike. Nga Parku Olimpik ku u prezantuan kandidatët për delegatë të Tiranës, Sekretari i Përgjithshëm socialist njëherësh edhe kreu i grupit parlamentar Taulant Balla vlerësoi rolin e kryebashkiakut Erion Veliaj , që sikurse tha ai, ka justifikuar besimin e dhënë nga PS përmes punës së bërë në kryeqytet.
“Kush më mirë se një prej anëtarëve të Kryesisë sonë mund të prezantojë delegatët e Tiranës në Kongresin e PS se sa një djalë shumë punëtor, një djalë që e ka justifikuar tërësisht besimin e Partisë Socialiste në detyrat që ka marrë, qoftë atë të ministrit, qoftë atë të kryetarit të Bashkisë Erion Veliaj. Faleminderit Erion për gjithccka që ke bërë në përmbushje të besimit që të ka dhënë Partia Socialiste”, theksoi Balla. /e.s/
