Ka përfunduar Konferenca e Kryetarëve e mbledhur nga kryetari i Kuvendit, Gramoz Ruçi.
Kreu i grupit parlamentar të Partisë Socialiste, Taulant Balla, tha se për integrimin europian duhet dialog mes mazhorancës dhe opozitës.
“Duhet dialog konstruktiv mazhorancë-opozitë. Tryezë politike që na bashkon për integrimin europian,” tha ai.
Ai gjithashtu tha se PS nuk mund të jetë shtojcë e kërkesave të PD-së, dhe se nuk mund të ulesh në tryezë politike me kushte.
Më herët pas mbledhjes që zgjati rreth 40 minuta, kryetari i grupit parlamentar të Partisë Demokratike, Edmond Spaho ka shtruar edhe një herë kërkesat e PD.
“Duhet të shqyrtohet kërkesa për referendumin për mbetjet. Ne do të paraqesim amendamente për organet e Vetting-ut. Gjithashtu kërkojmë të mos ketë shkurtim të stafit dhe pagave,” tha Spaho. /BW/b.d
