Kryetari i grupit parlamentar të PS, Taulant Balla i bëri thirrje opozitës që të mos bëjë politikë me fatkeqësitë sic është pandemia e Covid.
Në një deklaratë për gazetarët, pas takimit me shtabet elektorale, Balla tha se shprehu mbështetjen maksimale për bluzat e bardha.
“Shpreh mbështetjen time për të gjithë bluzat e bardha të vendit që janë në krye të detyrës. I shpreh falënderimet e sinqerta për një punë e shkëlqyer që po bëhet.
I bëj një thirrje politikaneve që të heqin dorë nga politika djallëzore dhe fyerjet që me padrejtë i adresojnë.
Nuk bëhet politike me fatkeqësitë, nuk ka në Evropë një opozitë kaq djallëzore që bën politikë me fatkeqësitë”, tha Balla.
Në lidhje me hedhjen nga ballkoni i spitalit Covid 2 të një pacienti, Balla tha se është dhënë një përgjigje nga spitali.
“Ajo që dua të them, përgjigjet që kanë ardhur nga qendra spitalore për rastin e fundit është përgjigjja e thjeshtë që mund të jepet. Ajo që më vjen keq është përpjekja e 4 politikanëve që mundohen të përdorin fatkeqësinë për llumin e tyre politik”, u shpreh Balla.
I pyetur a rrezikohen qytetarët nga Covid si pasojë e takimeve elektorale të PS, Balla tha:
“Nuk ka ndodhur që ne të kemi takime pa maska. Ju lutem tërhiqeni prapa atë që thatë. Nuk ndodh në asnjë takim tonin të ketë qytetarë pa maska. Më [përjashtim të atyre qytetarëve që e kanë kaluar Covidin”.
g.kosovari
