Nga selia rozë Taulant Balla tha se Shqipëria mbështet nga Gjermania në rrugën drejtë BE dhe për hapjen e negociatave.
Ai tha se javën tjetër fillojnë bisedimet në Bundestagun gjerman, duke thënë se në raport Shqipëria më lart se vendet e Ballkanit.
Këto deklartat Balla i bëri pas takimit me dy deputetët gjermanë, duke treguar gadishmëri për tu taqkuar me opozitën për tëdialoguar por sipas Ballës ajo kërkon pushtet në tavolinë.
“Në 13 maj fillon një proces diskutimi në Bundestag, që ka të bëjë për vendimin për fillimi e bisedimeve me BE për celjen e negociatave. Nuk vihet në dyshim mbështetja e grupit parlamentar, me përjashtim të AFD . Ka një shumicë mbështetëse dhe inkurajuese për Shqipërinë dhe Maqedoninë e Veriut. Shqipëria qëndron shumë lart jo vetëm me Maqedoninë, por edhe me Malin e Zi dhe Serbinë. Shqipëria ka bërë hapa të rëndësishëm dhe të pakthyeshëm të reformës në drejtësi. Ne i kemi të gjitha shanset për përcaktimin e një date për fillimin e bisedimeve”, tha Balla.
Kreu i grupit parlamentar socialist u ndal edhe tek situatat politike në vend duke theksuar se zgjedhjet e 30 qershorit do të mbahen.
“Zgjedhjet e 30 qershorit janë moment shumë i rëndësishëm për ecurinë e proceseve demokratike në vend, populli do të zgjedhë 61 kryetarët e bashkive, përshëndes 42 partitë konkurruese, në fund demokracia është i vetmi sistem ku partitë politike ftohen të konkurrojnë. Një parti që vendos të mos konkurrojë humbet funksionalitetin”- ka thënë Balla.
Pyetur nëse ka shumica një plan B, për pakt me PD, qoftë duke e regjistruar jashtë afateve, Balla ka deklaruar:
“Respektimi i afateve dhe ligjit janë detyrime të cdo force politike dhe kjo nuk varet nga ne por nga vetë drejtuesit e partive që përmendët, ajo që u them është e qartë, zgjedhjet do të zhvillohen, arsyet pse PD është jashtë Kuvendit nuk ka të bëjë aspak me ne, por me faktin që Basha nuk do të marrë pjesë në zgjedhje se do pushtet në tavolinë, në demokraci nuk ka pushtet në tavolinë”- tha ai, duke kujtuar edhe njëherë se kushdo që do të pengojë zhvillimin e zgjedhjeve do të përballet me burg sipas ligjit.
Balla tha se do të dënohen të gjithë ata që prishin procesin e zgjedhjeve.
g.kosovari
