Nga aula e parlamentit, deputeti socialist Taulant Balla ka kundërshtuar kërkesën e PD-së në lidhje me komisionet hetimore. Balla i është referuar kohës kur kanë qenë socialistët ata që kërkuan përmes komisionit hetimor, që të zbardhnin pretendimet e tyre për vjedhje në rrugën e Kombit. Balla tha se kërkesa e PD-së për komisionet hetimore është qesharake.
“Sa i takon ligjit për komisionet hetimore, dihet se ky ligj është marrë sipas ligjit për komisionet hetimore në Bundestagun gjerman. I kam dërguar shkresa në atë kohë çdo institucioni. Tre muaj komision hetimor në kohën e këtyre, nuk morëm asnjë shkresë. Kërkuam të paraqitej në komision Berisha, por nuk ndodhi asnjëherë. Kërkuam Bashën, as kjo nuk ndodhi. Sot asnjë prej juve deputetë të opozitës, nuk folët për këtë kërkesën tuaj për komisionet hetimore. Treguat që kjo juve nuk ju intereson. Kjo ngre dyshimin se Basha s’ka më besim tek ju, dhe do t’i bëjë komisionet hetimore te partia”, tha deputeti Balla.
Ai ka komentuar dhe vendimin e një dite më parë të Byrosë për pezullimin e socialistit Erjon Braçe dhe vërejtjen për Sali Berishën.
“Na mungon Saliu, po mirë bën që e ka kuptuar vërejtjen e djeshme të Byrosë së Kuvendit, që paska reflektuar që sot e ka bërë pushim pasi më vjen shumë keq që sot në Kuvend nuk është Erion Braçe që dje u pezullua nga Byroja me patëdrejtë, ndërkohë që shkaktari i gjuhës regresive ësthë vetëm një person, lideri historik i zv. lideres historike”, tha Balla më tej.
Ai kundërshtoi propozimin demokrat për komisionet hetimore, duke thënë se PD-së nuk i interseojnë, por po kërkon shkak për të bllokuar reformën në drejtësi.
