Pas akuzave të lëshuara nga Berisha në parlament duke akuzuar bashkëshortin e Ish-drejtoreshës së doganava, Elisa Spiropali, për korrupsion dhe te tjera akuza për qeverinë, ka reaguar deputeti socialist Taulant Balla.
Balla tregoi para kamerave një fotografi të vilës së Berishës në bregdet. Balla tha se këto janë vilat e pushtetit të djeshëm. Ai shtoi se vila e Berishës është me e madhe edhe se Shtëpia e Bardhë.
Gjithashtu deputeti socialist foli edhe për pasurinë e ish-ministrit të financave, Ridvan Bode, i cili sipas Ballës rezulton më i pasuri në rajon.
“Mos ik, mos ik, ulu.
Pse ikën?
M.q.s je akoma aty.
Zotëria tha ‘po të kisha vilë, s’kam më punë këtu’.
Po kësaj këtu, ç’ti bëjmë kësaj?
Më të madhe se Shtëpinë e Bardhë e ka.
Pusho ti, do vijojmë edhe me vilat tuaja( replikon me Eduard Halimin) .
E nëse kjo s’është e vërtetë, e sfidoj të vijë me mua t’ja tregoj live atje, ose të shtunë të dielë të bëjnë plazh atje…
Ish-ministri i Financave i Saliut rezulton të jetë më i pasuri i rajonit”, tha Balla
