Deputeti i PS-së, Taulant Balla deklaroi nga Elbasani se opozita me protestën e saj, po shfrytëzon mundësinë që ka për të bllokuar dy komisionet e Vetingut.
Sipas tij, PE jo rastësisht e lidhi vazhdimësinë e procesit të integrimit të Shqipërisë në BE me procesin e Vetingut, për të garantuar vazhdimësinë e këtij të fundit.
“Ajo që po ndodh këto ditë, një bojkot i stisur nga ana e PD, të pajustifikuar me argumenta të qëndrueshme, por të fshehur pas një qëllimi keqdashës ndaj interesave të Shqipërisë, sikurse është java e ardhshme e një pune intensive parlamentare, kur do të ngrihen dy komisionet e posaçme në kuadër të implementimit dhe funksionimit të plotë të Reformës në Drejtësi për procesin e Vetingut”, thotë Balla.
Përsa i përket kërkesës për qeveri teknike, Balla tha se mazhoranca e sotme ka një shumicë të cilësuar dhe ka marrë nga qytetarët të drejtën për të qeverisur. Kushdo që dëshiron një qeveri tjetër, sipas Ballës, duhet të presë 18 qershorin.tch/a.k
