Rovena Dilo është përfolur kohët e fundit si e lidhur me balerinin Eltion Merja, me të cilin performon çdo javë në garën e kërcimit. A është e vërtetë lidhja e tyre? Përgjigjen e jep Eltioni, i intervistuar nga gazeta Shekulli. “Nuk është aspak i vërtetë. Kemi një marrëdhënie shumë normale, e cila ku nuk lë vend për dyshime”, thotë balerini.
Ai supozon se “ndoshta njerëzve që e nxorën këtë lajm u ka bërë përshtypje fakti që unë dhe Rovena shoqërohemi edhe jashtë provave të “Dancing with the stars Albania”. Normalisht, në produksione të mëdha siç është “Dancing”, ku je gjithë kohës në prova krijohet një lloj kimie në çift”, thotë Merja, duke shtuar se me Rovenën “jemi miq dhe si të tillë do vazhdojmë të takohemi edhe pasi të mbaroi “Dancing with the stars 6”. Kush e di, mbase në të ardhmen mund të ketë edhe bashkëpunim mes nesh dhe shpresoj që njerëzit ta presin pa dyshime një bashkëpunim të mundshëm”.
