Frenk Kesi mund të largohet nga Milani këtë merkato, pasi në drejtim të tij ka ardhur një ofertë nga francezët e Monakos.
Klubi nga Principata prej kohësh është në kërkim të një mesfushori dhe lojtari kuqezi duket si profili ideal për atë repart. Ekipi i Leonardo Zhardim, nuk po kalon një periudhë shumë të mirë dhe besojnë se me transferimin e Kesi do të përforconin skuadrën dhe do të arrinin rezultate pozitive.
Në rast se lojtari nga Bregu i Fildishtë largohet, te Milani e kanë gati zëvendësuesin. Sipas asaj që shkruan “Tuttosport”, kuqezinjtë mund të rikthenin në skuadër Bakojokon, i cili në sezonin e fundit luajti i huazuar nga Çelsi, duke treguar paraqitje shumë të mira.
Mesfushori francez ishte një nga lojtarët më të mirë në sezonin e fundit te skuadra e drejtuar nga Gatuzo, por disa zënka me trajnerin bënë që drejtuesit të mos e blejnë kartonin e lojtarit në fund të sezonit.
g.kosovari
