Ish-deputeti i PD-së, Ervin Salianji ka publikuar sot përgjime të reja për çështjen “Babale”.
Nga selia e PD, Salianji ka deklaruar se në përgjimet e reja, del emri i ish-nëndrejtorit të Policisë së Fierit, Andon Marko, i cili sipas tij dje është emëruar si drejtor i forcave blu të këtij qyteti.
Sipas Salianjit, Andon Marko del në përgjimet e Prokurorisë dhe ka folur disa herë me Fredi Alizotin, dhe se emërimi në si Drejtor i Policisë së Fierit është shpërblimi që po i bëhët nga Ardi Veliu.
“Edi Rama ka ngritur një sistem kriminal dhe korruptiv të karrierës, ku sa më shumë të shkelësh ligjin në favor të Ramës dhe bandës së tij, aq më shumë promovohesh brenda narkoshtetit. Kulmin e ka arritur Policia e Shtetit, nga strukturë e depolitizuar dhe në shërbim të qytetarëve është kthyer në shërbëtore të krimit dhe në dhunuese të qytetarëve”, deklaroi ish deputeti.
Ai tha se drejtori aktual i Policisë së Fierit, Andon Marko duhet të ishte në burg për kallëzim të rremë në Prokurori për rastin “Babale” dhe jo të shpërblehej me psotin e kreu të Policisë së Fierit.
“Promovimi në Polici nuk bëhet mbi bazën e punës dhe rezultateve mbi krimin. Andon Marko ka marrë postin e drejtorit të Policisë së Fierit. Është e qartë dhe e dokumentuar me prova së Andon Marku, i graduari më i ri i bandës në polici sot duhet të ishte në burg për dëshmi të rreme. Kush shkel ligjin rri pranë padrinos. Këtë janë njerëzit që Rama respekton më shumë sesa njerëzit e thjeshtë. Ne do ta shkulim këtë sistem në çdo qelizë”, the mes tjerash Salianji.
Sipas Salianjit, kryeministri Edi Rama ka ngritur një sistem kriminal dhe korruptiv të karrierës, ku sa më shumë të shkelësh ligjin në favor të Ramës dhe bandës së tij, aq më shumë promovohesh.
g.kosovari
