“Babalja’, Basha: Shteti privat i Ramës fabrikon prova dhe dëshmitarë

Kryetari i PD, Lulzim Basha ka reaguar pas publikimit të një video të re nga Ervin Salianji ku në një kamera të fshehtë pretendon se Fredi Alizoti rrëfen krejt të kundërtën, pasi deklaron se është marrë në makinë nga Drejtori i Policisë së Shtetit Ardi Veliu

Duke ju referuar rastin “Babalja”, kreu i PD tha se kemi një shtet privat ku deputetë, prokurorë, drejtorë policie, fabrikojnë prova dhe dëshmitarë

Në një deklaratë për mediat nga selia blu, Basha tha se po manipulohet çdo provë për të mbrojtur Agron Xhafajn.

“Mbrëmë shqiptarët panë fytyrën e këtij shteti privat. Deputëtë, prokurorë, drejtorë policië, fabrikojnë prova dhe dëshmitarë. Drejtues të këtij inskenimi janë padyshime dhe Fatmir Xhafaj dhe Arta Marku. Shteti privat i Ramës fabrikoi dëshmitarin për të sulmuar gazetarët, dëshmitarët dhe opozitën për të mbrojtur trafikantin e drogës, Agron Xhafaj”, deklaroi Basha

Sipas Bashës, e njëjta skemë është përdorur edhe në rastin e Xhisiela Malokut

“E njëjta skemë është përdorur edhe për të mbrojtur Tualant Ballën dhe Rexhep Rrajën, duke sulmuar oficerin e policisë. Pushteti sulmon gazetarët, denoncuesit, kundërshtarëët politkë, për të mbrojtur kriminelët. Jemi në kushtet e një diktature mafiozë. Fatmir Xhafaj nuk lufton kundër krimit. Kemi thjesht triumfin e një bande ndaj një tjetër. Nga klani Tahiri-Habilaj, kemi klanin Xhafaj”, deklaroi Basha

Basha sulmoi edhe kryeprokuroren, duke e quajtur emërin e saj si katastrofë për drejtësinë.

“Arta Marku shkatërroi prokurorinë e krimeve të rënda. Ka varrosur hetimet për Tahirin, Gjiknurin, Dakon e drejtues të tjerë të qeverisë. Emërimi i Arta Markut, katastrofë për drejtëisinë”, deklaroi Basha

Drejtori i Polcisë Ardi Veliu mohoi të ketë marrë në makinë Fredi Alizotin, ndërsa prokuroria zbarkoi më herët në PD dhe sekuestroi videon e Salianjit

Javanews/a.ç