Edhe pas 1 muaji historia e dy motrave Kajtazi nga Durrësi vazhdon të ngjallë kureshtje veçanërisht pas deklaratave të bëra prej tyre se prindërit i dhunonin fizikisht dhe psikologjikisht.
Ato kanë rrëfyer se prindërit i quanin “kurva” dhe “parazite” dhe i sulmonin me fjalë nga më të ndyrat. Por është babai i tyre Hiqmet Kajtazi i cili mohon kategorikisht diçka të tillë duke thënë se po kërkojnë t’i shpëtojnë burgut.
Orialda dhe Klevisa Kajtazi pasi helmuan prindërit dhe motrën e tyre i vunë zjarrin shtëpisë duke grabitur edhe paratë që familja mbante në shtëpi.
Në një intervistë për “Gazetën Shqiptare”, ai mohon të ketë ushtruar dhunë fizike apo psikologjike ndaj tyre, por thotë vetëm se u ka ndaluar “që të dalin pa brekë nga shtëpia”.
“Pasi i gjeti policia, ato thanë që nuk duan të takohemi me prindërit dhe kjo më ka bërë të më priten gjunjët prej dëshpërimit të madh. Ne jemi një familje që respektojmë traditat. Një familje deri diku konservatore, por kurrë nuk kam qenë diktator për fëmijët e mi dhe bashkëshorten. Edhe nëse u kam tërhequr ndonjëherë vëmendjen, e kam bërë për të mirën e tyre. Atyre mund t’u duket shumë e madhe kjo gjë, por unë pa brekë vajzat nuk mund t’i lejoja të dilnin”, thotë ai.
Ai thotë se shpreson që policia të gjejë të vërtetën dhe është i bindur se vajzat e tij i ka mësuar dikush që të japing këto deklarata.
“Ç’të them, e të mos them? Më nxinë faqen kalamajtë, e po na bëjnë gazi i botës. Sa turp që vajzat shpifin! Shpresoj që policia të gjejë të vërtetën e të gjithë kësaj historie. Të gjithë jemi në shok të vërtetë e në depresion. Mos i ndodhtë askujt kjo që na ngjau”, përfundon Hiqmet Kajtazi.
