Saranda u trondit nga vëtëvrasja e një 47-vjeçari një ditë më parë. Ngjarja u raportua në polici nga babai i moshuar i viktimës, shtetasit me inicialet A.D. Ky i fundit ishte vetëvarur me një kabëll elektrik në tualetin e banesës së tij. Atje u gjet me shenja jete nga babai i tij Skënder Dauti 76-vjeç. Pasi u transportua në spital, 47-vjeçari nuk mundi dot të mbijetojë por mbërriti atje i vdekur.
Pas ngjarjes, babai i moshuar deklaroi se nuk e mendonte kurrë se i biri do arrinte deri këtu, pasi nuk mendonte se kishte ndonjë arsye. Ja çfarë deklaroi babai:
“Erdhi në shtëpi (se ai banon veç nga ne me gruan e vet) dhe na përqafoi të dyve, duke na thënë ‘Ejani t’ju takoj se nuk do të shihemi më’. Na përqafoi dhe iku. Fillimisht nuk ia vura veshin për çfarë tha, pasi mendova se kështu kishte bërë edhe herë të tjera. Megjithatë, diçka më nxiti t’i shkoja pas. Shtëpia e djalit është rreth 800 metra larg nga e imja. Kur shkova në shtëpinë e tij e gjeta të varur”.
Por, hetimet e policisë zbuluan motivet e vërtetë të vetëflijimit të 47-vjeçarit. Mësohet, se ai i dha fund jetës pas një konflikti në familje. Sipas policisë, shtetasi A. Dauti, i vetëvar pas një zënke me bashkëshorten e tij. Kjo e fundit nuk ishte në banesë në momentin e ngjarjes. Aktualsiht, vijojnë veprimet për të zbardhur motivet e konfliktit në çift, që u mbyll me tragjedi./JavaNews/a.m.
