Ministri i Brendshëm i Gjermanisë, Thomas de Maiziere ka thënë se Gjermania në muajin e ardhshëm do të kthejë në vendet e tyre qindra azilkërkues nga Ballkani, të cilëve iu ka refuzuar kërkesa për qëndrim në Gjermani.
“Pres që në javët e ardhshme, numri i atyre që do të riatdhesohen, deportohen dhe atyre që do kthehen vullnetarisht do të rritet.
Kjo do të thotë se dhjetëra mijëra azilkërkuesve të refuzuar nga Ballkani do t’iu duhet ta lënë vendin tonë.
Së shpejti do të udhëtoj në Shqipëri për të parë se si po trajtohen të kthyerit”.
Për shkak se Gjermania i ka shpallur Kosovën, Malin e Zi dhe Shqipërinë vende të sigurta të origjinës, ministri i Brendshëm gjerman thotë se banorëve të këtyre vendeve nuk u lejohet azili politik.
Deri në shtator të këtij viti, Gjermania ka pranuar gjithsesj 577307 refugjatë, 66311 janë shqiptarë nga Shqipëria, ndërsa 32258 janë nga Kosova.
