Ashtu siç kishte premtuar se do të mbledhe kabinetin qeveritar çdo muaj në secilin nga 12 qarqet e vendit, kreu i qeverisë ka vënë në zbatim këtë praktikë pikërisht nga Vlora.
Kabineti qeveritar është dyndur në Vlorë dhe do të qëndroj aty në fundjavë, ku përveç marrjes së disa vendimeve të rëndësishme, ministrat do të zbresin në terren për takime me qytetarët dhe krerët e institucioneve. Pas mbledhje së qeverisë, në një deklaratë për mediat, kryeministri Rama ka publikuar disa nga vendimet e marra.
Një nga vendimet e rëndësishme të kësaj mbledhje ka qenë shpallja e Kaninës zonë të mbrojtur. “Qendra historike e Kaninës do shpallet zonë e mbrojtur kulturore“.
Qeveria ka miratuar edhe disa vendime të tjera të rëndësishme kryesisht financime në infrastrukturë urbane.
Kryeministri ka bërë gjithashtu me dije se, është miratuar një proces që detyron çdo muaj anëtarët e kabinetit qeveritar dhe ekipet e tyre të shohin nga afër punët në sektorin e tyre në çdo qark të Shqipërisë.
“Nisim një proces që do të vazhdojë çdo muaj me një mbledhje të qeverisë në një qark dhe arsyeja ëshët se përse jam këtu, është për të dhënë disa shpjegime. Nuk është fjala për një zbritje të qeverisë në një qytet dhe në një sallë tjetër, por është fjala për një zbritje të qeverisë në territor dhe një kontakt më intensiv më shumë sesa thjesht një takim me të gjithë komunitetit. Këto janë përpjekje për të ndërtuar atë që konsiderojmë domosdoshmëri për Shqipërinë që duam”, ka thënë Rama.
Praktikën e mbledhjeve të qeverisë jashtë godinës së Kryeministrisë Rama e ka nisur me disa mbledhje informale në disa qytete përpara zyrtarizimit të kabinetit qeveritar, si në mandatin e parë ashtu dhe atë të dytë.
Më poshtë axhenda e plotë:
Draft Agjenda e mbledhjes së Këshillit të Ministrave në Qarkun Vlorë, 13-14 Tetor 217
13 Tetor
16:00 Mbledhje e Këshillit të Ministrave (Pallati i Kulturës)
16:30 Njoftim në media i vendimeve të qeverisë nga Zv.Km Senida Mesi (Pallati i Kulturës)
18:00 Konsultimi Publik për Buxhetin 2018 me pjesëmarrje të qytetarëve, shoqërisë civile dhe sipërmarrjes për Draft Buxhetin 2018 ( Holli I Universitetit Ismail Qemali) LIVE.
20:00 Darkë – Cdo ministër një tryezë me 10 të ftuar të dalluar nga sektori i tij. KM me kryebashkiakët, deputetët, kryetarët e këshillave, prefektin (Restorant Mira Mare)
14 Tetor
8:00 Çdo Ministër mëngjes pune me drejtuesit e institucioneve të varësisë në qark
9:00 Mbledhje e KM dhe Ministrave me të gjithë drejtuesit e Administratës qendrore në qark. LIVE (pallati I Kultures)
10:30 Dëgjesë me Prindërit për “Planet e bashkëhartuara me prindërit në shkolla” (KM, Nikolla, Kryetari Bashkise-shkolla TBC) LIVE . Shoqeron Ministrin, Dep. Vilma Bello
12:00 Çdo anëtar i qeverisë niset në fshatra të ndryshëm për takime në sektorët përkatës dhe kafe/dreke me banorë të fshatit .
KM vizitë në Kaninë dhe Drekë me një familje në fshatin e Kaninës. LIVE (13:00)
Ministri i Infrastrukturës dhe Energjisë – Kaninë. Shoqeron Ministritn Dep. Fate Velaj
Ministri Bujqësisë dhe Zhvillimit Rural – Novoselë, ferma
Ministrja e Kulturës – Orikum, Parku. Shoqeron Ministrin Edmond Leka
Ministri i Financave dhe Ekonomisë –Vlorë, Zyra e Punës
Ministri i Mbrojtjes –Bunavi, Bestrove e vogel baza. Shoqeron Ministrin Dep.Vullnet Sinaj
Ministri për Europën dhe Punët e Jashtme – Vlorë, studentët. Shoqeron Ministrin Dep. Andrea Marto.
Ministrja e Arsimit, Sportit dhe Rinisë – Fshati Poro. Shoqeron Ministrin Vilma Bello
Ministrja e Shëndetësisë dhe Mbrojtjes Sociale – asdf
Ministri i Brendshëm – Vlorë
Ministrja e Drejtësisë – IEVK, Vlorë. Shoqeron Ministrin Dep. Alket Hyseni
Ministri i Turizmit dhe Mjedisit – Tragjas, sheshi qendror
Ministrja e Shtetit për Mbrojtjen e Sipërmarrjes – Novoselë
15:30 Inspektim i punimeve në nënstacionin e Orikumit (KM, Gjiknuri, Leli, Edmond Leka)
16:00 Vizitë në Parkun Arkeologjik të Orikumit (KM, Kumbaro, Gjiknuri, Leli, Edmond Leka)
17:00 Takim i qeverisë dhe pushtetit vendor në Qark, kryetarët e bashkive, administratorët dhe deputetët Socialistë . (Pallati Kultures LIVE.
18:30 Kthimi në Tiranë
javanews/a.ç
