NGJARJE KRYESORE
ATHINË/BRUKSEL/UASHINGTON – Përveç ndonjë mrekullie, Greqia në prag të kolapsit financiar nuk do të mund t’i rimbursojp 1,5 miliardë eurot FMN-së deri sot në mbrëmje, në momentin kur përfundon gjithashtu programi i ndihmës nga BE dhe FMN.
VJENË – Kreu i diplomacisë amerikane, John Kerry dhe homologu iranian, Mohammad Javad Zarif do të rifillojnë bisedimet në Vjenë, ku pritet gjithashtu rusi, Serguei Lavrov, ndërkohë që të gjtiha palët kanë rënë dakord për të shtyrë disa ditë datën përfundimtare 30 qershor për arritjen e një marrëveshjeje historike për programin bërthamor iranian.
TUNIS – Tunizia, që njoftoi arrestimet e para në lidhje me atentatin më të rëndë xhihadist në histori, po gjykon 24 persoba tp dyshuar për përfshirje në vrasjen në vitin 2013 të opozitarit, Chokri Belaïd, vrasja e të cilit përbënte një prej sinjaleve të para të shfaqjes së lëvizjes xhihadiste në këtë vend.
TË TJERA
PARIS – Hetimi për xhihadistin francez të dyshuar, Yassin Salhi, që ekzekutoi drejtuesin e një uzine para se të kryente një atentat pranë Lionit, vazhdon rreth lidhjeve të dyshimta siriane.
SANA/ADEN – Një atentat tjetër antishiit që u mor përsipër nga grupi i Shtetit Islamik ka shkaktuar të paktën 28 të vdekur në Sana ndërkohë që rebelët shiitë Huthis kanë njoftuar hedhjen e një rakete Scud në një bazë ushtarake në rajonin e Riadit.
KAJRO – Reagime pas atentatit që i kushtoi jetën prokurorit të përgjithshëm të vendit, përfaqësuesi më i lartë i Shtetit, vrarë si kundërpërgjigje e shtypjes së dhunshme kundër islamikëve.
UASHINGTON – Pas vendimit të drejtësisë, departamenti amerikan i Shtetit do të publikojë një valë tjetër prej dhjetëra mijëra faqesh të mesazheve elektronike të ish-sekretares amerikane të Shtetit, Hillary Clinton.
MOSKË – Dita e tretë dhe e fundit e vizitës së ministrit sirian të Punëve të Jashtme, Wallid Mouallem.
BERLIN – Kreu i diplomacisë gjermane, Frank-Walter Steinmeier pret sekretarin e përgjithshëm të NATO-s, Jens Stoltenberg për të diskutuar për situatën në Ukrainë.
ANKARA – Parlamenti turk dalë nga zgjedhjet legjislative të 7 qershorit zgjedh presidentin.
PARIS – Fillon vizitën zyrtare në Francë kryeministri kinez, Li Keqiang, i cili do të zhvillojë një takim që do të pasohet nga një drekë me presidentin francez, François Hollande. Ai do të takojë gjithashtu kryeministrin, Manuel Valls para një konferencë të përbashkët për shtyp.
SANAA/ADEN – Koalicioni arab i drejtuar nga Arabia Saudite intensifikon sulmet kundër rebelëve shiitë në Jemen.
UASHINGTON – Presidenti amerikan, Barack Obama pret në Shtëpinë e Bardhë presidenten braziliane, Dilma Rousseff, në vizitë zyrtare në SHBA. ATA
