NGJARJE KRYESORE
PARIS/UASHINGTON – François Hollande mbledh në Elyse një Këshill të mbrojtjes për vlerësimin e natyrës së informacioneve të Wikileaks për spiunazh nga SHBA-ja për tre presidentët e fundit francezë.
BRUKSEL/ATHINË – Greqia mban frymën para një takimi të ri të zonës euro vendimtar për zhbllokimin nga kreditorët të një kësti kredie jetësor për vendin për të shmangur mungesën e pagesave më 30 qershor. Ministrat e Financave të zonës euro janë mbledhur për të tretën herë në një javë, para një samiti evropian
BRUKSEL – Ministrat e Mbrojtjes të NATO-s mblidhen në mesditë në Bruksel për të debatuar për sfidat e reja përsa i përket sigurisë, veçanërisht në marrëdhënie me situatën në Ukrainë, ndërkohë që Uashingtoni ka njoftuar se SHBA-ja do të vendosë armë të rënda në vendet e frontit lindor. Konferencë shtypi e sekretarit të përgjithshëm të NATO-s, Jens Stoltenberg.
TË TJERA
BUDAPEST/BRUKSEL/VJENË – Hungaria njoftoi pezullimin në emër të ”interesave hungareze” të një rregulloreje të rëndësishme evropiane për shpërndarjen e azilkërkuesve duke ngjallur shqetësimin e Austrisë dhe një reagim të menjëhershëm të BE-së që ka kërkuar një qartësim të shpejtë të pushtetit konservator hungarez.
KIGALI/LONDËR/MADRID – Ndjekje e situatës pas njoftimit të arrestimit të shefit të shërbimeve sekrete ruandeze në Londër, në bazë të një mandatarresti spanjoll.
BERLIN – Mbretëresha e Anglisë, Elizabeth II dhe bashkëshorti i tij, princi Philip janë pritur nga presidenti gjerman, Joachim Gauck me nderime ushtarake në kështjellën Bellevue.
BERLIN – Kancelarja gjermane, Angela Merkel pret kryeministrin britanik, David Cameron për të përgatitur veçanërisht samitin që do të zhvillohet të enjten dhe të premten në Bruksel.
SHKUP – Ministri grek i Punëve të Jashtme, Nikos Kotzias takohet në Shkup me zyrtarët maqedonas. Athina i mohon fqinjit të tij të drejtën për të përdorur emrin Maqedoni, që ajo e gjykon historikisht grek, një mosmarrëveshje që pengon Shkupin të progresojë drejt një anëtarësimi në BE dhe NATO.
UASHINGTON – Dita e dytë e diskutimeve mes SHBA-së dhe Kinës në kuadër të dialogut strategjik dhe ekonomik të përvitshëm.
UASHINGTON – Guvernatori republikan i Louisiane, Bobby Jindal do të njoftojë kandidaturën në kuadër të zgjedhjeve presidenciale 2016.
UASHINGTON – Departamenti i Tregtisë publikon shifrat e Prodhimit të Brendshëm Bruto të SHBA-së për tremujorin e parë./ATA/
