Altina Xhoxhaj është anëtarja e radhës e Gjykatës Kushtetuese që u përball këtë të hënë me procesin e Vettingut.
Sipas KPK, nga hetimi rezulton se ka mungesë të ardhurash, për apartamentin e deklaruar në Tiranë prej 100 metrash katrorë, nuk ka burime të llogjikshme për një truall tek Gjiri i Lalëzit, ku nuk justifikon një pjesë të sipërfaqes. KPK vlerëson se referuar kursimeve të deklaruara me bashkëshortin, nuk kanë të ardhura të mjaftueshme për të justifikuar shpenzimet e deklaruara.
Avokatja e Popullit Erinda Ballanca e cila ishte e pranishme në seancën dëgjimore, tha se Altina Xhoxhaj është një ndër gjyqtaret me korrekte.
“Unë personalisht kam qenë një nga përsonat që kam jetuar një periudhë të gjatë të kohës sime duke qenë avokate ditë për ditë dhe personalisht, pavarësisht cështjes së Komisionit të Verifikimit, unë e kam njohur Altina Xhoxhaj si një ndër gjyqtaret me korrekte që ekzistuar ndonjëherë. Sigurisht çështjet e hetimit janë çështje që kanë për tu trajtuar rast pas rasti nga Komisioni. E rëndësishme është që verifikimet të jenë të drejta të sakta dhe procesi të garantojë qoftë qytetarët që duan të kenë një sistem më të mirë drejtësie ashtu edhe gjyqtarët që kanë të drejta dhe të drejtat e tyre duhen mbrojtur”
a.ç
