Bashkimi Europian ka shtuar thirrjet në vazhdimësi për arrestimin e peshqve të mëdhenj, në rast të kundërt do të bllokohet hapja e negociatave për integrimin e vendit.
Së fundmi ka qenë eurodeputeti Eduard Kukan, i cili ka kërkuar arrestimin e peshqve të mëdhenj, proces i cili nuk realizohet me deklarata të bukura, por me rezultate konkrete.
Sipas avokatit Saimir Vishaj, BE duhet të ndajë kush janë peshqit e mëdhenj dhe të vegjël.
“Nuk janë kushte këto që BE të kërkojë arrestimin e peshqve të mëdhenj. Me sa di unë, në burg ka ministra, gjyqtarë e prokurorë, dhe nuk e të di që në terminologjinë juridike të dihet kush është peshku i madh apo i vogël”, u shpreh Vishaj në një prononcim për gazetën Sot.
Avokati Sajmir Vishaj ka folur edhe për arrestimet VIP pas zbatimit të reformës në drejtësi.
Vishaj deklaron se zyrtarët aktualë nuk do të preken nga reforma në drejtësi, por arrestimet do bëhen për ato çfarë do të ndodhë më pas.
“Arrestime VIP mund të ketë për ato çka do bëhet sot e tutje, ndërsa për ato që janë parashkruar, nuk e besoj.
Megjithatë do jetë SPAK që me përzgjedhjen që do t’i bëjë trupës gjyqësore si nga e prokurorisë dhe gjyqësorit, besoj se performanca do të jetë e lartë edhe nga ana profesionale”, u shpreh Vishaj.
