Në përmbushje të detyrimeve ligjore për Reformën në Drejtësi, ekspertët e Avokatit të Popullit kanë vijuar punën me një angazhim maksimal, seriozitet dhe saktësi, për verifikimin e të gjitha dosjeve të qytetarëve, të cilët kanë shprehur interesin për pjesëmarrje në organet e Vetingut.
Në një njoftim për shtyp, Avokati i Popullit bën të ditur se ky proces është shoqëruar me një intensitet të lartë pune për verifikimin e çdo dokumenti të paraqitur në dosje nga secili prej aplikantëve, dhe po ndiqet nga afër në çdo moment nga ekspertët e Operacionit Ndërkombëtar të Monitorimit.
Avokati i Popullit bën me dije se procesi është drejt përfundimit dhe dokumentacioni do të bëhet publik në faqen zyrtare të institucionit në funksion të transparencës, që ka shoqëruar këtë proces që prej nisjes së tij. /b.d
