Besnik Çerekja, i njohur edhe si avokat i Shkëlzen Berishës, rezulton pjesë e dosjes së zhvatjes 20-vjeçare të pasurisë nëntokësore shqiptare nga kompania Bankers, në bashkëpunim me politikanë dhe oligarkë. Pedagogu i Fakultetit të Drejtësisë, gjatë periudhës 2020-2025, ka marrë rreth 4.4 milionë euro nga komapania Bankers, me faturime të dyshuara si fiktive dhe për shërbime vetëm në letër.
Avokati i Shkëlzenit i ka përfituar paratë përmes studios së tij ligjore Studio Legale Cerekja shpk dhe Besnik Cerekja PF. Rreth 2.8 miionë euro i ka përfituar përmes subjektit ‘Besnik Cerekja PF’ me dy punonjës.
Prokuroria e Fierit nuk ka kryer një hetim më të thelluar se pse Bankers u ka dhënë miliona euro pa bërë asgjë Besnik Cerekjas, Alket Hysenit, Endri Pukës, Behar Çukajt etj., por është mjaftuar me konstatimin e lëvizjes së parave dhe trajtimin si evazion fiskal dhe mashtrim me skemën e TVSH-së.
Bankers kishte të punësuar me kohë të plotë ekspertë ligjorë, madje me rroga marramendëse, dhe nuk kishte nevojë për shërbimet e Besnik Cerekjas. Atëherë pse Bankers i ka dhënë 4.4 milionë euro avokatit Besnik Cerekja, duke përfituar 20 % të shumës rimbursim me TVSH, fryrë shpenzimet dhe evituar taksat? Mos vallë paratë kanë përfunduar në xhepat e Familjes Berisha?
Të vërtetën mund t’a zbulojë vetëm SPAK-u, por dyshimet shtohen pasi Sali Berisha, disa ditë më parë, mori në mbrojtje kompaninë Bankers Petroleum, e cila akuzohet se për 20 vite me radhë ka shmangur taksat duke i shkaktuar miliarda euro dëm buxhetit të shtetit. Berisha mori në mbrojtje atë që konsiderohet si mashtrimi më i madh dhe vjedhja më e frikshme në historinë e shtetit shqiptar./Prapaskena
A munde te japin kushe,ndonji pergjigje te rreale,konkretisht ne shkrimin per avuktain,e sy peshkaqenit ku thuhet,se perlau 4.4 milion euro nga Bankers.Pastaj thone monstra e vicidolit,e mori ne mbrojtje aferen e shekullit.Ne kyt vende te vogel,a ka ndonji istitucion qe funksionon.Kjo eshte nji nga aferat e mijra te tjerave si kjo,gjithmone referohemi,cfare lexojme,e degjojme ne lajmet e ndryshme.Ku eshte drejtesia,apo ka vdekur,nji here e pergjithmon,edhe kta te drejtesise,se re.Duket se jane po thuaj te njejtit me ate te llalles,e gjyqtarve te asaje kohe,ne mungese te istitucioneve funksionale.Vete populli duhet te ngrihet ne protesta,te mbrojme pasurite e vendin,nga kta kriminele.