Avokati i kryebashkiakut të Kavajës Elvis Rroshi, i arrestuar për fshehjen e disa dënimeve në formularin e “Dekriminalizimit”, deklaroi se ndalimi i klientit të tij është i pajustifikuar. Theodhori Sollaku, ish kryeprokuror deklaroi se zbatimi i ligjit të “Dekriminalizimit” po bëhet në kontekstin e një lufte të egër politike.
“Ka një masë sigurimi “arrest me burg” me vendim të Gjykatës së Tiranës. Është një çështje që natyrisht nuk i shmanget dot situatës së ndezur politike. Ligji, është miratuar në një kontekst shumë të ashpër të luftës politike, dhe me sa duket edhe implementimi i tij nuk mund t’i shmanget nuancave politike. Unë mendoj se ndonëse regjistrimi i procedimit ka bazë ligjore për shkak të kaluarës së Rroshit, duke qenë minoren në vitet ’92-’95, por kurrsesi masa e sigurimit “arrest me burg” është e pajustifikuar, sepse episodet për të cilat ai akuzohet nuk janë sqaruar nga prokuroria.”, tha Sollaku./a.m.
