Avokati Jordan Daci, i ftuar në ‘Real Story’ foli lidhur me zhvillimet e fundit në fushën e drejtësisë, në valën e reagimeve edhe të arrestimit të kryebashkiakut Veliaj.
Daci u shpreh se nuk jemi në ditët më të mira të drejtësisë dhe se duhet që institucionet të mbrohen. Sipas tij, arrestimi i Veliajt nxori një anë të sistemit që nuk kishte marrë vëmendje.
“Një ndër gjërat që pati problem, reforma në drejtësi përveçse ishte eksperiment pati përfundime jo të bazuara. Ka një mandat jo të përcaktuar qartë se ku do të dalë. Ky komision gjëja e parë që duhet të bëjë është të shtrojë konsultime në nivel të gjerë, sepse mbyllemi brenda komisioneve.
Njerëzit presin drejtësi nga Prokuroria. Prokuroria është palë ‘kërkon pesë të marrë dy’. Kjo nuk do të thotë të shkarkohet nga përgjegjësia. Presioni dhe pesha bie mbi Gjykatën që tërheq palët. Kur dikush emërohet në Gjykatë, familjarët pranojnë të përgjohen dhe ata. Nuk e ka fajin prokurori e ka sistemi. Ke krijuar një sistem, ekuilibri i një sistemi mbahet nga Gjykata. Nëse Gjykata pas pas pas, nuk e ka fajin Prokurori. Problemi i Veliajt nxori një anë që nuk ka marrë vëmendje. Fusim me mijëra shqiptarë në burg për një faturë të energjisë.
Duhet të kemi parasysh që Prokurorët janë denigruar me disa fjalë që nuk është e pranueshme. Përdorimi i disa termave, shumë prej tyre kanë profesionalizëm integritet, por nuk shkon.
ILD- ja nuk ka pse reagon. Ka instrumenete të bëjë inspektim. Transparencë nuk ka për këtë pjesë.
Nuk jemi në ditën më të mirë të drejtësi. Duhet që institucionet të mbrohen. SPAK ka dhënë disa shembuj të munguar. Puna e tyre është të jetë palë njësoj me mua dhe Gjykata thotë e ke gabim apo jo.”
