Një aeroplan është përplasur dhe rrokullisur ndërsa po ulej në aeroportin e kryeqytetit të Somalisë. Ngjarja ka ndodhur në aeroportin e Mogadishu. Sipas BBC nuk janë shënuar viktima mes 36 personave që ndodheshin në avion.
Pamjet dramatike të filmuara pranë aeroportit në Mogadishu shfaqin tymin e dendur e të zi që ngrihet sipër vendit të përplasjes.
Zjarrfikësit shuan zjarrin dhe nga fotot në vendngjarje duket avioni, një Fokker 50, i cili qëndron tashmë me kokë poshtë.
Avioni i përkiste Jubba Airways dhe po kryente një fluturim brenda vendit, nga qyteti Baidoa-s për në kryeqytet.
Sipas autoriteteve të aeroportit të cituara nga mediat shtetërore, të gjithë pasagjerët dhe ekuipazhi janë shpëtuar.
Ende nuk dihet se çfarë e shkaktoi rrëzimin e avionit.
Në një deklaratë të shkurtër, duke pranuar incidentit Juppa Airways tha se do të japë informacion më të detajuar rreth asaj që ka ndodhur sapo informacioni t’i vihet në dispozicion.
/a.r
