Një turiste ka mbetur e vdekur në vend pasi përplasi kokën në tokë nga presioni i madh i ajrit që u krijua nga motorët e një aeroplani që po ngrihej për fluturim, në një plazh të famshëm ku avionët fluturojnë vetëm pak metra mbi kokat e pushuesve.
57-vjeçarja po mbahej te një gardh me zinxhir pranë aeroportit të territorit holandez të Karaibeve të Sint Maarten, por presioni i madh i ajrit bëri që asaj t’i rrëshqasin duart dhe të përplasë kokën në beton.
Mijëra turistë mblidhen çdo ditë në plazhin Maho për të ndjekur nga afër duke u ngritur dhe aterruar aeroplanët në aeroportin ndërkombëtar “Princesha Juliana”, në të cilën aeroplanët fluturojnë vetëm pak metra mbi kokat e pushuesve, dhe për këtë ka fituar edhe epitetin e aeroportit më të frikshëm në botë. /a.m.
