Astrit Patozi ka komentuar ngjarjen e Kavajës.
Mbrëmjen e djeshme, kreu i Bindjes Demokratike ka qenë i ftuar në emisionin “Real Story” ku ka dënuar aktin dhe ka kërkuar dënim sa më të ashpër të autorëve.
Ndër të tjera ai tha:
“Do doja që të ishte një dukuri sporadike dhe jo rrjedhojë e një trysnie politike që po preson mbi 25 prillin. Nuk kemi ende të dhëna të qarta për këtë, ka pasur vetëm deklarata politike. Në fillim mendova se qeveria ishte në përgjegjësi të plotë për sa kohë nuk kishte një prononcim të kryeministrit por vetëm të një zv.ministri. Sipas meje ngjarja është e rëndë dhe duhej një distancim i fortë që erdhi dhe ngelet i paqortueshëm si distancim. Uroj që mos ngelet me kaq, por t’i mbyllet dera presionit dhe frymës para zgjedhjeve pasi është e dëmshme. Shqipëria edhe në një klimë të butë zgjedhore prapë nuk prodhon dot zgjedhje të mira, imagjino në një klimë konfliktuale të tensionuar që si shërben askujt. Uroj që përgjegjësit të kapen dhe të dënohen në mënyrë ekzemplare për t’i mbyllur derën çdo ekstremisti që synon të prishë zgjedhjet”, shprehet Patozi.
g.kosovari
