Policia gjermane ka bërë të ditur se 31 vetë janë plagosur, e 17 të tjerë nuk gjenden ende, pas përfshirjes nga flakët të një autobusi në një udhëtim turistik në jug të Gjermanisë.
Autobusi u përplas me një maune pranë Stammbach, në veri të Bavarisë. Një pjesë e pasagjerëve kanë plagë të rënda dhe frika është se shumë të tjerë mund të kenë vdekur.
Në vendngjarje kanë mbërritur me urgjencë punonjës të ndihmës së shpejtë dhe helikopterë, për të transportuar të lënduarit në spital.
Nuk dihet ende me saktësi se çfarë e shkaktoi aksidentin. “Nuk mund të përjashtojmë mundësinë që 17 personat të cilët mungojnë, të mos kenë arritur të largohen nga mjeti”, deklaroi një zëdhënëse e policisë.
Autobusi është djegur krejtësisht. Tani ka mbetur vetëm një shpresë shumë e vogël, që këta njerëz të jenë hedhur jashtë e të jenë diku në zonë.
a.ç
