Droga e kapur në autobusin e të rinjve të PS, është një dëshmi tronditëse ku është katandisur vendi. Kështu ka deklaruar kreu i PD-së, Lulzim Basha, i cili thekson se, përgjegjës është kryeministri Rama, i cili e ka mbuluar vendin me trafikantë.
Deklarata e plotë e kreut të PD-së, Lulzim Basha
“Nuk ka horrllëk me te madh se sa te mbulosh vendin me droge e te qeverisesh me trafikante. Horrllek eshte kur ministri yt i jep makinen private trafikanteve, kur deputeti yt qe e ke bere pasha te jugut propagandon kanabisin, kur drejtuesit e policise emerohen nga klanet kriminale.
Ti dhe droga e trafiku i saj jeni ne simbioze perfekte, ndaj refuzove testin e saj. Kete horrllek ia sherben ti si model te rinjve dhe te rejave te FRESSH.
Askush nuk gezon nga kjo ngjarje, deshmi tronditese ku eshte katandisur vendi, me drogen biznes te miqve te tu me trafikantet qe i ke sjelle deri ne parlament.
Ti je pergjegjes e askush tjeter per kete drame te vendit. Pergjegjes qe ngrefesh si kokosh me fatkeqesite e qytetareve. Por dita e gjykimit po afron”.
Ndërkohë pas akuzës së Bashës ka ardhur edhe reagimi i këshilltarit të kryeminsitrit për mediat, Endri Fuga, i cili përmes një postimi në Twitter deklaron se autobusi nuk ishte i FRESSH, dhe se asnjë prej anëtarëve të forumit rinor nuk ishte i përfshirë në transportin e drogës.
