Kompania ajrore Austrian Airlines, e cila do të transportonte dje shumën prej 10 mln eurove nga Rinasi në Vjenë, pas grabitjes ka dalë në një deklaratë zyrtare duke njoftuar se nga Tirana nuk do të transferojë më asnjë shumë parash.
Zëdhënësja e kompanisë, Tanja Gruber deklaroi se do të ndërpriten transferimet e mëtejshme në këtë formë me Tiranën. “Pas grabitjes me armë nuk pati asnjë rrezik për ekuipazhin dhe udhëtarët. Avioni u vonua për tri orë. Por si një masë sigurie, nuk do të ketë transferime të mëtejshme në para nga Tirana në Vjenë” tha ajo.
Truri i grabitjes së djeshme Admir Murataj u ekzekutua, ndërsa lajmi bëri jehonë në mediat ndërkombëtare. Kjo nuk është hera e parë që ndodhin grabitje të tilla brenda aeroportit të Rinasit, por edhe jashtë duke bërë që kompania ajrore të ndërpresë transfertat.
/a.meta
