Austria planifikon dëbimin e të paktën 50 mijë refugjatëve deri në vitin 2019, deklaroi Ministria e Brendshme austriake, cituar nga gazeta “Kronen Zeitung”, njoftoi sot agjencia zyrtare austriake e lajmeve, APA.
”Ky vendim u mor gjatë takimit të zyrtarëve përgjegjës për azilin, më 20 janar”, shtoi ministria e sipërcituar.
”Dëbimet do të kryhen shpejt dhe thjeshtë, me procedura të shpejta azili, marrëveshje ekstradimi dhe fluturime shtesë dëbimi refugjatësh”, theksoi ajo.
Në takim, zyrtarë të Partisë Socialdemokrate dhe asaj të Popullit ranë dakord për dëbimin e 37 500 refugjatëve deri në fund të 2016-ës”, tha ministria.
Autoritetet austriake kanë rritur edhe numrin e vendeve të sigurta të origjinës, ku janë shtuar Maroku, Algjeria, Tunizia, Gjeorgjia, Mongolia dhe Gana.
Në vitin 2015, 8 365 refugjatë u dëbuan nga Austria.
